ईन्टरनेटबाट कमाएको पैसा आफ्नै हातमा कसरी पाउने | How To Receive Money Earned At Internet On Your Own Hands In Nepal

यसअघि नै मैले अनलाईनबाट पैसा कमाउन सकिने साईटहरुका बारेमा केहि पोस्टहरु लेखिसकेको छु । तरपनि ति र तेस्तै अन्य साईटहरुमा जम्मा भएको पैसा आफूले कसरी पाउने भन्नेबारेमा धेरैले जिज्ञासा राख्नुभएको छ । त्यसैले यो पोस्ट लेख्दैछु ।

के ईन्टरनेटबाट पैसा कमाउन सम्भव छ ?

पक्कै पनि ! तपाई चाहानुहुन्छ भने ईन्टरनेटबाट पैसा कमाउनका लागि धेरै अवसरहरु छन् । एउटा कुरा सबैले याद राख्नुपर्छ कि तपाईहामी कसैलाई पनि केहि काम नगरी कसैले पैसा दिदैँन । तर फरक यति छ हामीले बाहिर गर्ने कामभन्दा ईन्टरनेटमा गर्ने काम केहि सजिलो र कसैको दवावमा नरहि आफ्नै फुर्सदको समयमा गर्न सकिन्छ । ब्लगिङ, एफिलिएट मार्केटिङ, अनलाईन सर्भे, फ्रिल्यान्सिङ आदिबाट तुलनात्मक रुपमा धेरै आम्दानी गर्न सकिन्छ भने कुनै अनुभव र विशेष ज्ञानबिना नै वेबसाईट भिजिट वा क्लिक गरेर, फेसबुक पेज लाईक गरेर, ट्विटर एकाउन्ट फलो गरेर, ईमेल पढेर, वा अन्य साना र सजिला काम (जस्तै: कुनै साईटमा साईन अप गरेर, कतै कमेन्ट गरेर, कुनैमा साथिलाई रिफर गरेर, कुनैमा लिँक प्रचार गरेर ) आदिबाट पनि दिनहुँ केहि डलरसम्म कमाउन सकिन्छ ।

हुनत कयौँ व्यक्तिहरु ईन्टरनेट चलाएरै सम्पन्न भएका छन, तर हामी चाहिं यहाँ धनी बन्ने भन्दापनि फुर्सदको समयको सदुपयोग गरेर केहि आम्दानी गर्ने उपाएहरुबारे कुरा गर्नेछौँ ।

तर... विचार पुर्याउनुस् !!

मुख्य कुरा त तपाईले सुरु गर्नुभन्दा अगाडि कुन साईटले तपाईलाई पैसा दिन्छ कुनले दिदैँन भनेर राम्रोसगँ छुट्टाउन सक्नुपर्छ । हामीमाझ त्यस्ता धेरै त्यस्ता साईटहरु छन जुन झट्ट हेर्दा सहि लाग्छन तर जब तिनिहरुबाट पैसा निकाल्ने समय आउँछ तब बल्ल हामिले आफू ठगिएको महसुस गर्छौ । त्यसैले सहि साईट र कार्यक्रमको छनोट गर्न सकेमा मात्र आफ्नो समय र मेहेनत खेर जानबाट जोगाउन सकिन्छ ।

पैसा त कमाईयो... तर कसरी पाउने त्यो पैसा ??

अब लागौँ मुख्य विषयतिर, विभिन्न साईटमा पैसा कमाउन त सकिन्छ तर आफ्नै हातमा पाउन चाहिँ के गर्ने ?

धेरै साईटहरुले न्यूनतम लिमिट पुगेपछि आफ्ना प्रयोगकर्ताहरुलाई पैसा पठाउन प्रयोग गर्ने मुख्य माध्यम भनेका Paypal, Payza, Moneybookers आदि ईत्यादि अनलाईनमा पैसाको कारोबार गर्ने (Online Payment Processor) साईटहरु हुन् । यि साईटहरुले बैँक को जस्तो काम गर्छन् , जसलाई आफ्नो वास्तविक बैँक एकाउन्टसगँ कनेक्ट गरी जम्मा भएको पैसा सिधै पाउन सकिन्छ ।

अरुको तुलनामा Paypal लाई नै विश्वभर सर्बाधिक लोकप्रिय, अत्याधिक प्रयोग गरिने र विश्वाशिलो मानिन्छ । तर हामी नेपालीको बिडम्बना नै भन्नुपर्छ Paypal लाई नेपाली बैँकमा कनेक्ट गर्न सकिँदैन । नेपालबाट हामिले एकाउन्ट बनाउन त सक्छौँ तर त्यसमा अन्य Paypal एकाउन्टबाट पैसा पाउन सक्दैनौँ जबकि आफ्नो एकाउन्टमा ब्यालेन्स छ भने अरुलाई पठाउन मात्र सक्छौँ ।
त्यसैले नेपालजस्तै मुलुकका लागि Payza लाई Paypal को राम्रो विकल्पका रुपमा लिईन्छ । Payza लाई नेपालका केहि बैँकहरुका एकाउन्टमा कनेक्ट गरी सिधै कारोबार पनि गर्न सकिने जनाईएको छ ।

नेपालमा हुनुहुन्छ ??

नेपालमा Paypal Verify गर्न नमिल्ने तथा Payza को पनि सिमित र केहि अप्ठ्यारो प्रक्रिया भएको हुनाले मैले पनि भेरिफाई नगरिएकै एकाउन्टहरुबाट कारोबार गर्दै आएको छु र त्यसकै बारेमा यहाँ लेख्दै छु ।

सबैभन्दा पहिले तपाईको कुनै विश्वाशिलो साथी वा नातेदार विदेशमा हुनुहुन्छ भने उहाँलाई यस्ता साईटहरु (Paypal, Payza) बारे जानकारी छ कि छैन बुझ्नुहोस् , प्राय अमेरिका / क्यानडा / यूरोप तिर हुनुभएकाहरु धेरैले Paypal को प्रयोग गर्नुहुन्छ । नेपालबाट अरु देश छानेर एकाउन्ट बनाउन खोज्दा जुनसुकै बेला एकाउन्ट ब्लक हुन सक्ने भएकोले पहिले तपाईको नाममा Paypal एकाउन्ट खोल्न लगाउनुहोस् (Payza को एकाउन्ट चाहिँ नेपालबाटै खोल्न सकिन्छ) । उहाँहरु स्वंमको भेरिफाईड एकाउन्ट छ भने त झनै सजिलो, छैन रैछ भने पनि कि त खोल्न लगाउनुस् वा अर्को कुनै भेरिफाईड एकाउन्ट भएको व्यक्तिसगँ सम्पर्क गर्नुहोस् ।

जब तपाईले काम गरेका बेवसाईटबाट पैसा लिने बेला हुन्छ तब आफ्नो लागि बनाईएको Paypal/Payza एकाउन्टको ईमेल आईडि दिनुहोस् । अब तपाईको तपाईले पैसा संकलन गर्दै जानुस् । जब आफूलाई आवश्यकता पर्छ, उक्त व्यक्तिको भेरिफाईड एकाउन्टमा पठाईदिनुस् , उसले उक्त रकम आफ्नो बैँक एकाउन्टमा पाउँछ । त्यो रकम विभिन्न रेमिट वा मनि ट्रान्फरबाट तपाईलाई पठाउन भन्नुहोस् ।

यसबाहेक तपाईले आफ्नै Paypal/Payza एकाउन्टमा जम्मा भएको पैसालाई सिधै अन्य काममा पनि प्रयोग गर्न सक्नुहुन्छ, जस्तै: अनलाईनमा मोवाईलको रिचार्ज पिन किन्न, आफ्नो साईटको लागि डोमेन किन्न तथा होस्टिङ गराउन, ईन्टरनेटबाट Ebook तथा सफ्टवेयरहरु किन्न आदि ईत्यादि ।

Kindly Bookmark this Post using your favorite Bookmarking service: